Meri Manzil..............

Barish ke baad ki is thandi hawa me kitni tazgee hai,
prakriti k har roop me kitni sadgee hai,
Ek sandesh hai patto ki is sansanahat me,
kitna madhur sangeet hai panchiyon ki chahchahahat me,
Lagta hai ki aasman de raha hai mujhe aawaz,
Srishti ka katra katra kar raha hai ek aagaz,
Sagar ka pani hilore lekar kahta hai mujhse,
ki tu apni khoyi manzil ko dhoondh rahi hai kab se,
jis tarah nadi ka pani mud jata hai kisi bhi raah me,
usi tarah chali ja rahi hai tu taqdeer ki raah me,
chahe toofan ho ya barish tan kar khada rahta hai ye neem ka ped,
karta hai prerit mujhe kahta hai koi nayi dhun to ched,
Ek baat batana chahti hu in sabko,
mil gaya hai ab meri manzil ka rasta mujhko,
ab nahi hai koi uljhan is dil me ,
na hai koi kashmakash ab mere man me,
Bas ek lakshya hai use pana hai,
jo chahu wo kar sakti hu ye dikhana hai.

EK Payari Si Ladki............................

Ek pyari si ladki kal tak yahin gudiyon k sath khelti thi,

Uski totali boli se aangan me kilkariyan goonjati thi,

Kal tak na koi bandish na koi chardeewari thi uske liye ,

Na hi koi sawal the uski kisi shararat k liye ,

Phir kyun aaj uske har kadam par sawal uthne laga ,

Beti hone ki saza thi ki sabka us par se vishvas uthne laga ,

Kal tak jis pita ki gode me baith kar wo khela karti thi,

Jinse har baat kahti bar bar jid kiya karti thi,

Aaj kyon wo apni beti se katrane lage hai,

Kyon aaj wo mummy k sahare batiyane lage hai,

Har kadam k sath usne ek rishtey ko khoya ,

Har bar akele me uska dil phoot 2 kar roya ,

Uski maa samajhati thi uski is tanhai ko ,

Kyonki wo mahsoos kar chuki thi apno ki is ruswai ko,

Kal tak to wo usi pariwar ka hissa thi,

Use pata hi nahi chala kab wo parayi si ho gayi ,

Abhi Is sadme ko bardasht hi kar payi thi,

Ki anjaan ghar k liye uski vidayi ho gayi,

Wahan bhi usne koshish  ki sabko apna banana ki,

Wo to unki ho gayi par nakam rahi koshish unhe badal pane ki,

Dheere dheere janam k rishtey beete rishtey ban gaye ,

Ajnabee saye hi ab uski zindagi ban gaye ,

Ab to usne apni aulad k sapno ko hi apna bana liya ,

Unki har khwahish poori karna hi apni khushi man liya ,

Aahista aahista uske bachche bhi zamane k sath aage chale gaye ,

Phir use bhoolkar sab apni zindagi ki rah par aage badhte chale gaye ,

Chahti thi wo ki uski beti ke sath na ho jo uske sath hua ,

Par is samaj ki khokhli deewar ko todne ke liye koi na uske humraz  hua ,

Ek baar phir rah gayi wo zamane se haar kar ,

Saham kar rah gayi wo apne dil  ki khwahisho ko maarker,

Socha usne haq nahi ek ladki ko sapne dekhne ka ,

Ab to jo hota raha wo sahati chali gayi ,

Uski zindagi doosron k jeene ka aadhar thi,

Jane bagair is baat ko ek din wo ,

Adhoore sapno ka bojh liye is duniya se chali gayi .

 

Giving Thanks for Good and Bad

we might face many difficulties , hardships and disappointments in our lives . Things do not always go our way . If we listen to the discussion of others and review our own words and thoughts we find that many of them are complaints about how life is treating us . There is a bitter feeling .